Спектакль - лауреат VIII Республиканского театрального конкурса имени Степана Ермолина (2017) в номинации "Лучший спектакль по произведению автора Республики Коми" в составе Алёны Гараниной (роль Нютки), Зои Осиповой (роль Катерины).

Александр Ларевлöн меднималана пьесаясысь öти. Да и коми авторъяслöн став кадся пьесаясысь медтöдсаясысь öти. Сiйöс 1956-öд восянь пуктывлiсны Советскöй Союз пасьта зэв уна театрын. Пьесаыс радейтчöм йылысь, семья-котыр йылысь, ёртасьöм йылысь.  Александр Ларевлы пьеса гижигас вöлi сöмын 26 арöс на.

Спектакльö пыртöма уна сьыланкыв, найö мичмöдöны серпассö. Лоöмторъяс вöчсьöны сиктын, том йöз зiльöны уджавны, венласьöны, кодi уджын бурджык. Весиг гöсти воысь карса нывка пышйö «эжа лэптöм» вылö. Видзöдан да, важ олöмыс вöлi кöть ас ногыс сьöкыд, но и шань. Медшöр сюжет визьыс гартовтчö армияысь воöм Семён Мережков да сылöн ёрт, моряк Михаил Аллилуйя гöгöр. Том йöз быдöн, кöть и оз пырысь-пыр, аддзöны ассьыныс муслунсö. Весиг томиник Тимка, кодi нывъяссö дзик оз пыдди пукты («Мыйла ме нывъясӧс да номъясӧс oг радейт? Сы вӧсна, мый нывъясысь ни номъясысь он мын»), и сiйö радейтчö карса нывка Элеонораö.

Тайö пьесаыс сэтшöмъясысь, кодъяс вылö окота волыны мöдысь. Эз весьшöрö сiйö вермы Республикаса С. Ермолин нима VIII театральнöй конкурсын «Коми Республикаса авторлöн пьеса серти медбур спектакль» номинацияын.

Это лирическая комедия о любви в трех действиях. События в пьесе происходят в 50-е годы XX века. Спектакль расскажет о том, как в послевоенные годы молодежь поднимала сельское хозяйство в нашей стране. Ну и конечно же, главной сюжетной линией будет любовь между главными героями.