Каллистрат Жаковлöн "Биармия" эпос серти / по мотивам эпоса Каллистрата Жакова «Биармия»
Жанр: Музыкальный спектакль
Премьера: 20 января 2012 года
Возрастное ограничение: 12+
Продолжительность: 1 час 25 мин.

«Парма лов» - тайö и эпическöй сценавыв пуктас, и концерт, кытчö чукöртöма коми йöзлысь нэмöвöйся сьыланъяссö. Позьö кывны кыдз лунвыв лузабердса сьыланкывъяс, сiдзи и войвыв, изьвасаясöс. Эм и авторскöй сьыланкывъяс: шуам, Нёбдiнса Витторлöн «Чужи-быдми» тöдлытöг петкöдчö выль боксянь, артмöдö кутшöмкö выль сикас рöм да гаж, ачыс лоö быттьö торъя постановкаöн.

«Биармия» литературнöй эпоссö вöлi гижöма пöшти сё во сайын нималана коми этнограф, гижысь, туялысь Каллистрат Фалалеевич Жаков. Но нимсö сылысь да уджъяссö дыр кад кежлö вöлi тупкöма йöз син водзысь. Жаков гижис сiйöс рочöн, коми вылö вуджöдiс гижöдсö Михаил Елькин.

Гöгöрвоана, мый ставнас эпоссö сцена вылö пуктыны оз ло позянаöн, да и мукöдджык могъяс тайö пуктасыслöн: Парма лов - тайö коми сьылан, комилöн лолыс – кодi нэмъясöн петкöдчылiс сьыланкывъяс пыр. Та вöсна сьылöм-йöктöмыс петö водзвылö. И висьтлöн сюрöсыс öтувтчö сьыланкывъясöн: сьыланкыв мунiс коми морткöд пыр öттшöтш сылöн олöмас быд кадö. Сьылiс коми и туйын, и уджын, и гаж дырйи, и шог дырйи… Постановкаын позьö кывны и нор, и гажа сьылöм. Парма-вöрыслöн збыль эм лов – сьылöны, сёрнитöны и лэбачьяс, и зверъяс, и пуяс.

Артистъяс спектакльын уна сьылöны да ворсöны коми йöзкостса инструментъясöн: буксан, пöлян, чипсан, сигудöк, вор гудöк да мукöд. Налöн шыяслöн эм вын. Оз öд прöста Яур князь босьт аскöд кузь туйö, Райда невестала мунiгöн, сьылысь-ворсысь Вöрмортöс: сылöн сигудöк шыысь лöньöны бушковъяс, унмовсьöны вöрöгъяс, а бöрын кöлысь дырйи и кокыд ачыс мунö йöктыны-гажöдчыны.

Это эпическая поэма-миф, наполненная песнями, которые сопровождали человека в древние времена везде и всюду. С песней коми человек и в пути, и в труде, и в скорби, и на празднике… Князь Яур из Джеджим-пармы решает плыть за далёкой невестой в богатую страну Биармию. Слух об этом доходит и до жителей пармы – недобрых духов природы, которые пытаются помешать Яуру с товарищами добраться до далекой красавицы Райды. Доброта и ум героев, чудесная сила песен Вöрморта выручают путешественников. Чтобы завоевать сердце Райды, князь Яур с помощью своих верных друзей проделает немало подвигов и примирится с жителями Биармии, не желающими отдавать дочь царя своей страны за иноземца. На широкую свадьбу в Джеджим-парму прибудут многие гости!.. Сюжет напевается-рассказывается Сказительницей. Песни героев сопровождаются игрой на традиционных коми музыкальных инструментах: сигудöк, буксан, пöлян, чипсан и других. В постановке звучит музыка народного артиста РК Михаила Бурдина и обработки коми народных песен. Сценография Павла Микушева.